不嬲都對網上嘅#必食 充滿懷疑，間間餐廳都話必食，唔通間間都必食咩！而講到＃曼谷必食 ，就一定唔少得呢間，就算唔刻意做功課，都會時不時係社交網站被放毒嘅「芒果糯米飯冰」！
開頭我都唔信架，但係同伴點名話想食，咁我就諗住「好啦，經過就食」...點知去到曼谷，哇，呢間野真係出名到開到周街都係！於是到最後一日，終於試咗呢個曼谷名物！
黎到Central World分店，唔洗問梗係要等位，攞咗籌，去隔離supermarket兜個小圈就輪到我地，可能d人食冰都快。
 |
| 芒果糯米飯冰造型可愛 |
部分冰有兩個size選擇，但呢個芒果糯米飯冰就似乎無（如果唔係我仲想食奶茶味）。要先係counter點單，counter旁邊亦有自助冰茶提供。
細碎芒果冰，上面係椰汁cream同增加口感嘅脆綠豆，都係芒果糯米飯標配。
旁邊仲有額外cream同芒果醬，但就唔建議即刻淋上去（除非追求拍攝效果）因為兜冰已經好滿，咁淋盞益咗個木盤。
 |
| 中間有芒果肉同粒粒糯米飯 |
試下個冰，不太甜。芒果味中等，不算超級香甜。
但挖到中間，有芒果粒同粒粒糯米飯補救！都算驚喜！
平時泰國芒果糯米飯會有鹹味，而且比香港食嘅鹹，雖然話中和甜味，但我有啲接受唔到。
呢個冰都有少少鹹味，但尚可以接受。
而且一般芒果糯米飯配個椰汁，質感好似膠水，而且太甜膩，甚至蓋過咗椰子味呢個重點。
而呢個冰上面嘅cream就唔會，口感比一般椰漿輕盈之餘，又有啲厚度咁流落黎，營造出佢可愛嘅賣相。
所以總嘅黎講，其實，其實泰國嘅芒果糯米飯真係唔多啱我口味...而呢個冰，就「泰國」得黎，又好容易令人接受~
所以作為「泰國必試」，係可以一戰！
但至唔至於為咗佢好想去泰國呢，我又覺得其實香港好多「椰汁芒果」系列，都做得非常出色，味道上唔輸呢個冰。
 |
| 榴槤千層蛋糕 |
同場加映：榴槤千層蛋糕
上面有一整塊榴槤肉，好吸引！而且見佢細細塊不妨一試。
平時好怕假榴槤味，但有呢塊「真榴槤」加持，就食得放心。千層蛋糕香軟，啖啖榴槤香好快無曬。
在Siam商區（Siam Paragon, Central World, MBK Center等)、Terminal 21、Ratchada火車夜市附近等多個地方都有分店，幾乎是行曼谷必經，想食就食，唔特別想食見多幾次都想食！搵下邊間就腳啦：
After You官方網站&分店地址
沒有留言:
張貼留言